Kisi Ki Gali Me Dabe Paanw Jana..

Kisi ki gali me dabe paanw jana,
Sikhaya kisi ne ya khud tumne sikha,
Andhere me julfo ko chunri bana,
Sikhaya kisi ne ya khud tumne sikha..

Main bhula nahi hu, jawani ki aahat,
Teri showkh aankho ki har muskurahat,
Mera haath thame labo ko dabana,
Sikhaya kisi ne ya khud tumne sikha..

Main bhula nahi hu, mohabbat ki kasme,
Na dil tere bas me, na dil mere bas me,
Mera aage badhna tera hichkichana,
Sikhaya kisi ne ya khud tumne sikha..

Fir eak din tujhi ko badalte bhi dekha,
Mohabbat ke suraj ko dhalte bhi dekha,
Kisi eak bahane mujhe chod jana,
Sikhaya kisi ne ya khud tumne sikha..

Mai har jakhm-e-dil ko to sita rahuga,
Kai baar mar mar ke jeeta rhuga,
Meri aarju ko khilowna banana,
Sikhaya kisi ne ya khud tumne sikha..